Let's live- Life is Beautiful

ਮੇਰੀ ਮਾਂ ਦੀ ਯਾਦ ਚ ਕੁਝ ਪੰਕਤੀਆਂ : ਮੇਰੀ ਵੀ ਇਕ ਮਾਂ ਹੁੰਦੀ ਸੀ , ਠੰਢੜੀ ਜੀ ਇਕ ਛਾਂ ਹੁੰਦੀ ਸੀ।  ਜੋ ਵੀ ਮੰਗਦਾ ਓਹਦੇ ਕੋਲੋਂ , ਓਹਦੇ ਮੂੰਹ ਤੇ ਨਾ ਕਦੀ  ਨਾਹ ਹੁੰਦੀ ਸੀ। ਸਮਾਂ ਲੱਖ  ਗੁਜਰਦਾ ਭਾਵੇਂ , ਪਰ ਮਾਂ ਦੀ ਯਾਦ ਨਾ ਜਾਵੇ। ਜਦ ਸ਼ਾਮ ਨੂੰ ਘਰ ਮੈਂ ਵੜਦਾ, ਮਾਂ ਤੇਰਾ ਚੇਤਾ ਮੈਨੂੰ ਆਵੇ। ਜਦ ਲੱਗਾ  ਸੀ ਪੜ੍ਹਨ ਦੂਰ ਦੇ ਸ਼ਹਿਰ , ਮਾਂ ਦੇ ਦਿਲ ਤੇ ਪਿਆ ਸੀ ਕਹਿਰ।  ਘਰ ਆਉਂਦਾ ਸੀ ਬਾਅਦ ਮਹੀਨੇ, ਸਭ ਤੋਂ ਪਹਿਲਾਂ  ਮਾਂ ਲਾਉਂਦੀ ਸੀ ਸੀਨੇਂ। ਬੈਠੀ   ਦੇਹਲੀ ਤੇ  ਪਈ ਉਡੀਕੇ , ਬੱਸ ਮੇਰੇ ਪੁੱਤ ਨੂੰ ਛੇਤੀ ਘਰ ਲਾਵੇ , ਜਦ ਸ਼ਾਮ ਨੂੰ ਘਰ ਮੈਂ ਵੜਦਾ, ਮਾਂ ਤੇਰਾ ਚੇਤਾ ਮੈਨੂੰ ਆਵੇ। ਛੁੱਟੀ ਤੇ ਪਿੰਡ ਵਿਚ  ਆਕੇ,  ਯਾਰਾਂ ਨਾਲ ਟਾਈਮ ਬਿਤਾਉਣਾ। ਮਹੀਨੇ ਤੋਂ  ਉਡੀਕਦੀ ਮਾਂ ਦੇ , ਇਕ ਘੰਟਾ ਵੀ ਹਿੱਸੇ ਨਾ ਆਉਣਾ।  ਮੈਂਨੂੰ ਯਾਦ ਨੇ ਉਹ ਗਰਮੀ ਦੀਆਂ  ਰਾਤਾਂ, ਜਦ ਬਿਜਲੀ ਦੇ ਲਗਦੇ ਕਟ ਸੀ।  ਬੈਠੀ ਘੰਟੇ ਪੱਖੀ ਝੱਲਦੀ, ਮੱਥੇ ਨਾ ਪਾਉਂਦੀ ਵੱਟ  ਸੀ। ਸੋਚੇ ਪੁੱਤ ਓਹਦੇ ਨੂੰ ਨੀਂਦ ਪੂਰੀ ਆ ਜਾਵੇ, ਜਦ ਸ਼ਾਮ ਨੂੰ ਘਰ ਮੈਂ ਵੜਦਾ, ਮਾਂ ਤੇਰਾ ਚੇਤਾ ਮੈਨੂੰ ਆਵੇ। ਨੌਕਰੀ ਮਿਲੀ ਵਿਚ ਪ੍ਰਦੇਸ਼ਾਂ, ਮਾਂ ਰਹੇ ਉਦਾਸ ਹਮੇਸ਼ਾਂ।  ਜਦ ਟੇਸ਼ਨ ਤੇ ਚੜਾਉਣ ਸੀ ਆਉਂਦੀ , ਜੱਫੀ ਓਹਦੀ ਤ...